[يمه ياكذبها أبلّهْ سعاد! ..~ ]

[يمه ياكذبها أبلّهْ سعاد! ..~ ]

________________________________________
يُمـــه...
وين
أبوي...؟!
قلتي بيجيّ بُكـــرة...
وقلتي بيجيّ بُكـــرة...!
متى يجيّ
بُكـــرة...؟!
أنا أعـــرف الصبح يصير هو بُكـــره...!
وكل يوم يجينا
الصبح
بس مايجي بُكـــرة...!
الله يايُمه...ياكـــرهي لُـ
بكـــرة...!
صبري قضى يُمـــه
معاد فيني حيل

***** *****
*****

يُمـــه...
من يوم ذاك الصوت القويّ...
اللي يهـــز البيت وأبوي
ماشفته
صوت أيش يايُمـــه...؟!
سمعت معه صـــراخ...
وصوت
إسعـــاف...
وحكـــي وبكآآآء...!
وأنتي تقولين إدخلي في
غُـــرفتك...
ودخلت أنا في غُـــرفتي...
وجلست لحآآلي ّإلين جاء بُكرة
!
وأبوي ماشفته ..!
سهرانه طول الليل ..~

***** *****
*****

يُمـــه...
سمعت من سلمى تقول...
إن أبوها قال "نورة يتيمة"
!
طبعاً ضحكت وقلت :
ماني يتيمة !
أُمي معي بالبيت

وَ أبوي
!
يبي يجي بُكرة
بس القهر يُمـــه من سالفة بُكره...!
مدري متى
بُكرة...؟!
ياويلي يايُمـــه...!
ياويلي منه وييييييّل !

***** *****
*****

يُمـــه...
صديقتي حصة تقول...
أ"بوي أنا مقتول " !
طبعاً
ضحكت وقلت :
من يقتل أبوي...؟!

قالت لي حصة...
ناسٍ يقولون
إنهم
أهل الجهاد والدين !
وهُم مُسلمين...!
ياهي غبية حيل !
ماتدري إن
أبلـــه سُعاد قالت لنا مرة :
(( مايقتل المسلم أخوه ))
وأبوي أنا مُسلم
ّ!
والعام حجينا سوى ،وزرنا الرسول !
يحليلها حصة
ياهي غبيّة حيل
!

***** ***** *****

يُمـــه...
من جد ودَّي أسالك...
أشوف
بعيونك كلام...!
وأسمع من شفاهك كلام...!
قولي لي يايُمه...
أبوي فعلاً
إنقتل...؟!
إذا اليهود اللي قتلوه
الله يايُمه...
ياهو شرف !
يحشـــر
ورى حمزة عم الرسول
أبلّــه سُعاد قالت لنا مرة :
(( من مات مقتول وشهيد...
يبعث ورى حمزة
...عم الرسول...! ))
ودمه يسيل .

***** *****
*****

يُمـــه...
بس الغريب... أختي عُهود
سمعتها مرة تقول...
أبوي
مقتولٍ غدر...وهو يتوضى للفجر...!
أبوي ماجوه اليهود...؟!
وشلون
يايُمـــه...؟!
معقولة المسلم يقتل أخوه...؟!
أبوي أنا مُسلم، يصلي
ويصوم
ودايم يسولف لي عن الجنة !
ويقول لي قصة مُحمد !
معقوله
يايُمه...؟!
حلال يقتل المسلم أخوه...؟!
ألله...
ياكذبها أبلّـه
سُعاد...!
قالت لنا إنه حرام...!
بس أعتقد فعلاً حرام...!
وشلون
يايُمـــه...؟!
ووش صار بالدنيآآآ..؟!
إلاَّ على فكرة...!
وش معنى
يايُمـــه كلمة عميل...؟!
وممكن يصير مُسلم عميل...؟!

***** *****
*****

يُمـــه...
أحس بدمعة عيوني أقبلت ..
والعادَّة يمسحها
أبوي...!
هالمـــرة خليها تسيل..
أدري بها دمعة يتيم .. ~
وأدري بعد إني
يتيمة...!
أبيها تحرق من غدر في روح أبوي
أبيهاتكبر دمعتي...!
وتلعن اللي
حرمني من أبوي
تكفين يايُمه...
خليها هالمرة تسيل.




للـ
شاعر عبدالكريم المهنا .. ]



اتمنى انها
تعجبكم

أليـــــــمه رااائعه جدا

سلمت يداكي